Хайме Мунгия Бектемир Мелиқўзиев билан келаси йил жанг қилмоқчи

Мунгия The Ring нашрига берган интервьюсида Никита Зон билан жангни нокаут билан якунлашни мақсад қилганини айтди.

«Яхши жанг бўлади ва нокаут ҳам бўлади», — деди у.

Шу бокс оқшомининг асосий жангида Сауль «Канело» Альварес иккинчи ўрта вазнда WBC чемпиони Кристиан Мбилли билан тўқнашади. Мунгия ушбу жангда ҳамюрти Альвареснинг нокаут билан ғалаба қозонишини тахмин қилди.

Аввалроқ WBA Хаймега Бектемир Мелиқўзиевга қарши мажбурий ҳимоя жангини тайинлаган. Боксчининг айтишича, бу қарор у Ар-Риёддаги турнирга анча олдин тайёргарлик кўра бошлагани сабаб кутилмаган бўлган.

Мунгиа Мелиқўзиев билан жанг учун тайёргарлик режасини тўлиқ ўзгартиришига тўғри келишини таъкидлади. Шу сабаб у ўзбекистонлик боксчига қарши мажбурий ҳимояни келаси йилнинг биринчи ярмида ўтказишни режалаштирмоқда.