14 окт 08:01
Янгиликлар

Бокс/ММА

WBA сайтида Мунгиянинг кейинги жанги бўйича маълумот пайдо бўлди

Аввалроқ, ташкилот аслида Бектемир Мелиқўзиевга қарши рингга чиқишга мажбур бўлган Хайменинг жангини тасдиқламаган эди.

DAZN платформаси иккинчи ўрта вазн тоифасида WBA йўналиши чемпиони, мексикалик Хайме Мунгия 31 октябрь куни Ар-Риёдда Россия вакили Никита Зонь билан жанг қилиши ҳақида хабар берган эди. Бироқ WBA ташкилоти бунга муносабат билдириб, ўзбекистонлик Бектемир Мелиқўзиев иккинчи ўрта вазн тоифасида WBA'нинг расмий даъвогари экани, Мунгия–Зонь жанги билан боғлиқ вазиятни кўриб чиқишини билдирган эди.

Шундай бўлса-да, WBA'нинг расмий сайтида Хайме Мунгия ўз камарини Никита Зондан ҳимоя қилиши ҳақида хабар берилганини кўриш мумкин. Ташкилот ҳозирча бунга расмий муносабат бермаган.