23 окт 17:29
Янгиликлар
Спорт курашлари
Ненад Лалович UWW президенти лавозимига қайта сайланди. У сайловда ягона номзод эди
Сербиялик Ненад Лалович Бирлашган кураш дунёси (UWW) президенти лавозимига янги муддатга қайта сайланди.
23 октябрь куни Қозоғистоннинг Астана шаҳрида UWW конгресси бўлиб ўтди. Тадбир якунларига кўра, амалдаги президент Ненад Лалович ташкилот раҳбари лавозимига бир овоздан қайта сайланди.
68 ёшли Лалович Бирлашган кураш дунёсини 2014 йилдан бери бошқариб келади. У 2013 йилда Халқаро бирлашган кураш услублари федерацияси — FILA президенти бўлган. Кейинчалик ташкилот номи United World Wrestling’га ўзгартирилган. Лалович 2014 йилда UWW президенти этиб сайланган, 2021 йилда эса янги муддатга қайта сайланган.
Эслатиб ўтамиз, 24 октябрдан 1 ноябргача Астанада спорт кураши бўйича жаҳон чемпионати ўтказилади. Унда Ўзбекистон терма жамоаси ҳам катта таркибда қатнашади.
Ҳавола :
Манба : uww.org
Фикрлар