Уч нафар эркин курашчимиз жой олган RAF рейтинги янгиланди

Ушбу лигада уч нафар эркин курашчимиз - Мирзобек Ҳайитов, Париж-2024 Олимпиадаси чемпиони Разамбек Жамалов ҳамда Токио-2020 Олимпиадаси бронза медали совриндори Бекзод Абдураҳмонов ўз беллашувларини ўтказиб келмоқда.  

Ўрта вазн тоифаси вакили бўлган Разамбек Жамалов янгиланган рейтингда 2-ўринни эгаллаб турибди. Таймураз Салказанов 1-поғонадан жой олган ушбу вазн чемпиони Дэвид Карр ҳисобланади. 

Ушбу вазндан яна бир эркин курашчимиз - Мирзобек Ҳайитов ҳам жой олган. У 9-ўринда қайд этилди. 

Жейсон Нолф чемпион бўлиб турган ярим ўрта вазн тоифаси рейтингига Бекзод Абдураҳмонов киритилган. Токио-2020 Олимпиадасининг бронза медали совриндори 7-ўринда бормоқда.  

Маълумот учун, Разамбек Жамалов шу йил июль ойида америкалик Жарретт Жакни кичик устунлик билан (3-2) таслим этганди. Мирзобек Ҳайитов 18 июль куни АҚШнинг Висконсин штати, Милуоки шаҳрида ўтказилган RAF 11 турнирида америкалик Майкл Калиендога 2-9 ҳисобида ютқазганди. Бекзод Абдураҳмонов 14 июнь куни АҚШнинг Сент-Луис шаҳрида ташкил этилган RAF 10 турнирида Киган О'Тулга 6-10 имкониятни бой берганди.