АCА 209: Саидёқуб Қаҳрамоновда мағлубият. Холмурод Нурматовчи? (Барча натижалар)

Оқшомнинг асосий жанги ўрта вазн тоифасида ўтказилиб, унда Тожикистон вакили Фаридун Одилов россиялик Артём Фроловни ҳакамларнинг якдил қарори билан очколар ҳисобига кўра мағлубиятга учратди. 

Турнирнинг иккинчи асосий жангида энг енгил вазн тоифаси вакили тожикистонлик Азам Гафоров бразилиялик Фелипе Бунесга қарши октагонга чиқди. Бунес биринчи раунддаёқ мезбон спортчини самбишн эвазига таслим этди. 

Биз учун аҳамиятлиси, мазкур мусобақада икки нафар ўзбекистонлик таниқли аралаш якка кураш усталари — Саидёқуб Қаҳрамонов ва Холмурод Нурматов ҳам ўз жангларини ўтказди. Қаҳрамонов тожикистонлик Бахтовар Юнусов (12-1-1)га очколар ҳисобига кўра ютқазиб қўйди. Холмурод Нурматов ҳам тўлиқ уч раунд давом этган жангда бошқа бир тожик спортчиси — Эмомаҳди Орзузода (8-4)га ҳакамлар қарорига кўра имкониятни бой берди. 

Душанбедаги "Теннис саройи ва сув спорти" мажмуасида ўтказилган АCА турнири кардидан 17 та жанг ўрин олган эди.

АСА 209 турнирининг барча натижалари:

Фаридун Одилов Артёма Фроловни очколар бўйича ютди;

Фелипе Бунес Азам Гафоровни биринчи раундда сабмишн қилди;

Бехруз Зухуров Висхан Кадировни иккинчи раундда техник нокаутга учратди;

Куат Хамитов Алексей Махнони иккинчи раундда техник нокаут эвазига енгди;

Фирдавс Зарипов Вагиз Исмагиловни биринчи раундда сабмишн эвазига таслим этди;

Алихан Мусаев Жаҳонгир Саиджамоловни иккинчи раундда техник нокаутга учратди;

Хафиз Сакибеков Никита Подковальниковдан очколар ҳисоби бўйича устун келди;

Турал Рагимов Нашхо Галаевни ҳакамларнинг якдил қарори билан мағлубиятга учратди;

Клидсон Абреу Хамди Абделвахабни очколар бўйича мағлуб этди;

Бектур Женишбек уулу Оятулло Мўминовни очколар бўйича енгди;

Айк Казарян Элдар Мунаповни ҳакамларнинг айри қарори билан мағлубиятга учратди;

Эмомахди Орзузода Холмурод Нурматовни ҳакамларнинг якдил қарори билан ютди;

Бахтовар Юнусов Саидёқуб Қаҳрамоновни ҳакамларнинг якдил қарори билан енгди;

Ахмед Хамзаев Мустафа Ашурзодани биринчи раундда сабмишн қилди;

Сайед Сафармамадов Али Машраповани биринчи раундда техник нокаутга учратди (шифокор тасвияси билан жанг тўхатилди);

Низамбек Абдрашитов Шадид Абдурзаковни ҳакамларнинг якдил қарори билан ютди;

Маъмуржон Ҳамдамов Иван Соловьевни иккинчи раундда техник нокаутга учратди.