Жаҳонгир Ўрозов: "Каннаваро "Рубин"ни чемпион қиларди"

Шунингдек, у Каннаваро Қозон клуби бош мураббийига айланишига қарши эмаслигини билдирди.

24 октябрь куни Франк Артига "Рубин" бош мураббийи лавозимидан озод этилган эди. Қозонликлар устози вазифасини вақтинча бажарувчи этиб Олег Кузьмин тайинланди.

— Мураббий Каннаварода қандай алоҳида хусусият бор?

— Инсон сифатида у жуда меҳрибон. Футбол майдонида ҳам, ундан ташқарида ҳам ҳаммага ёрдам беради. Масалан, Фабио кўпинча машғулотлардан сўнг қолиб, футболчилар билан якка тартибда ишлайди. Шахсан менинг ўзимга ҳам Каннаваро тарихдаги энг яхши ҳимоячи сифатида кўп нарсани ўргатди. Терма жамоадаги шерикларимдан эшитганман, у шахсий муаммолар бўйича ҳам ҳамиша ёрдам беришга тайёр.

— ЖЧдан сўнг Каннаваро танқидга учради.

— Бу кутилган ҳол эди. Мухлислар кўпроғини кутишганди. Аммо мураббий истеъфога лойиқ эди деган фирга қўшилмайман. Терма жамоа ўз тарихида илк бор жаҳон чемпионатига чиқди, бунинг ўзи аллақачон ютуқдир. Ўйлашимча, кейинги ЖЧда Ўзбекистон яхшироқ иштирок этади.

— Агар Каннаваро РПЛ клубини бошқарганида, уни чемпион қила олармиди?

— Менимча, ҳа. У кўплаб ўйинчиларни билади, Фабиода яхши мураббийлар штаби бор. Ва унга хос стиль аниқ РПЛга мос келган бўларди.

— Каннаваронинг "Рубин"ни бошқаришини хоҳлармидингиз?

— Ҳа, албатта. Ўйлашимча, Каннаваро "Рубин"ни чемпион қиларди. Бизда тарихга эга жамоа бор, — деди Ўрозов Sport24 мухбири Андрей Бабич билан суҳбатда.