UFC Fight Night 293 турнирининг асосий жанги эълон қилинди

Унда Вальдо Кортес-Акоста ва Жонни Уокер ўртасидаги оғир вазн тоифасидаги жанг бўлиб ўтади. Бу ўзгариш ҳақида вазиятга яқин манбалар хабар берди. 

Маълум бўлишича, турнирнинг хедлайнери Шон Брэди жароҳат олиб, Габриэль Бонфимга қарши жангдан чиқиб кетган. Бразилиялик спортчи ҳам тадбир иштирокчилари рўйхатидан чиқарилди ва унга янги рақиб тайинланади. Ҳозирча оғир вазн жанги уч раунд ёки беш раунддан иборат бўлиши номаълум.

Доминиканлик Вальдо Кортес-Акоста иккита мағлубиятдан иборат серияда давом этмоқда, у Александр Волков ва Кёртис Блэйдсларга ҳакамларнинг якдил қарори билан имкониятни бой берган. Бразилиялик Жонни Уокер эса ой бошида оғир вазн дивизионида муваффақиятли дебют қилиб, Мика Паркинни биринчи раунддаёқ нокаутга учратган.

Айни пайтда Вальдо Кортес-Акоста ва Жонни Уокер UFC оғир вазн тоифасидаги мета-рейтингда тегишли равишда саккизинчи ва ўн биринчи ўринларни эгаллаб туришибди.