29 окт 20:13
Янгиликлар

Бокс/ММА

UFC 334 чемпионлик жангининг захира иштирокчиси эълон қилинди

14 ноябрь куни АҚШнинг Нью-Йорк шаҳрида навбатдаги рақамли UFC турнири бўлиб ўтади.

UFC аёллар енгил дивизиони мета-рейтингида биринчи ўринни эгаллаб турган Жоселин Эдвардс UFC 334 турнирида америкалик Кайла Харрисон ва бразилиялик Аманда Нунес ўртасидаги чемпионлик жангини суғурта қилади.

Икки ҳафтадан сўнг Панаманинг 31 ёшли вакили бошқа иштирокчилар билан бирга вазн ўлчаш жараёнидан ўтади ва зарурат туғилганда захирага чиқишга тайёр бўлади, деб хабар берди MMA Fighting нашри вазиятга яқин манбаларга таяниб.

Аёллар ўртасидаги аралаш яккакурашлар тарихидаги энг муҳим тўқнашувлар рўйхатига киритилган Кайла Харрисон ва Аманда Нунес ўртасидаги жанг йил бошида UFC 324 турнирида бўлиб ўтиши керак эди, бироқ америкаликнинг бўйнида жарроҳлик амалиёти ўтказилиши керак бўлгани сабабли жанг бекор қилинганди.

"Пантера" лақаби билан танилган Жоселин Эдвардс бешта ғалабадан иборат серияда бормоқда, улардан тўрттасини муддатидан олдин қўлга киритган. Апрель ойида бўлиб ўтган сўнгги жангида ҳакамларнинг якдил қарори билан Норма Дюмонтни мағлуб этганди.