ОФК “Нефтчи” футболчисини икки ўйинга четлатди ва жаримага тортди

Бу ҳақда Осиё футбол конфедерацияси Тартиб-интизом ва этика қўмитасининг 28 октябрь куни қабул қилинган қарорида маълум қилинди.

Унга кўра, Алибоев Осиё Чемпионлар лигаси Элит турнири гуруҳ босқичида “Ал Насср”га қарши учрашувда рақибга нисбатан ўта қўпол ҳаракат қилиб, майдондан четлатилгани учун ОФК Тартиб-интизом кодексининг 47-моддаси асосида икки ўйинга дисквалификация қилинди.

Футболчи автоматик бир ўйинлик дисквалификациясини 26 октябрь куни “Ал Иттиҳод”га қарши учрашувда ўтаб бўлди.

Шу тариқа, Алибоев 2 ноябрь куни Эроннинг “Трактор” клубига қарши сафар учрашувида ҳам жамоасига ёрдам бера олмайди.

Бундан ташқари, 30 кун ичида 2000 АҚШ доллари миқдорида жарима тўлаши белгиланди.