Abu Dhabi Grand Slam 2026 бошланмоқда. Бугун Диёра ва яна тўрт дзюдочимиз баҳсларга киришади

Турнирнинг биринчи куни енгил вазн тоифаси вакиллари медаллар ҳамда Олимпиада-2028 йўлидаги қимматли рейтинг очколари учун баҳс олиб боради. Улар қаторида Ўзбекистон терма жамоасининг беш нафар дзюдочиси ҳам бор. 

Бугунги беллашувларда Диёра Келдиёрованинг чиқишига гувоҳ бўламиз. Париж Олимпиадаси чемпиони илк даврада мексикалик Паулина Мартинезга қарши татамига чиқади. Бу ҳамюртимиз учун Актау турниридан кейинги илк жиддий мусобақа бўлади. Келдиёрова Қозоғистондаги мусобақада чемпион бўлган эди. 

Abu Dhabi Grand Slam 2026 турнирининг биринчи кунги саралаш баҳслари бизнинг вақт билан соат 12:30да бошланади. Кўпчиликни қизиқтираётган савол - Ута Аба Абу-Даби турнирида иштирок этадими? Йўқ, япониялик Олимпиада чемпиони БАА пойтахтига келмаган. 

Дзюдочиларимиз учун қуръа натижалари

-48 кг: Улбусин Ҳакимова — Конул Алиева (Озарбайжон)

-52 кг: Сита Кадамбоева — Тереза Боднарова (Чехия)

-52 кг: Диёра Келдиёрова — Паулина Мартинез (Мексика)

-60 кг: Камолиддин Бахтиёров — Педро Карлос Антун Нето (Австралия)

-66 кг: Дилшодбек Ҳамроев — Юсуф Нуркович (Черногория)