28 окт 20:50
Янгиликлар

Бокс/ММА

UFC Сидней турнирининг асосий жанги эълон қилинди

2027 йилнинг 7 февраль куни Австралиянинг Сидней шаҳрида UFC турнири бўлиб ўтади.

Дунёнинг энг кучли лигаси матбуот хизмати томонидан ушбу оқшомнинг асосий жанги расман эълон қилинди. Енгил вазн тоифаси вакиллари австралиялик Куиллан Салкилд ҳамда француз Бенуа Сен-Дени октагонда ўзаро тўқнаш келади.

Мағлубиятсиз одимлаётган 26 ёшли Куиллан Салкилд UFC`да олтита ғалабали серия билан келмоқда. У сўнгги икки жангда Бенил Дариушни техник нокаут, Матеуш Гамротни эса ортдан бўғиш усули билан мағлуб этган.

30 ёшли Бенуа Сен-Дени июль ойида Пэдди Пимблеттга 52 сонияда бўғиш усули билан ютқазиб, тўртта муддатдан олдинги ғалабали сериясини тўхтатди. Айни пайтда Куиллан Салкилд ҳамда Бенуа Сен-Дени мос равишда UFC енгил вазн тоифаси мета-рейтингида олтинчи ва еттинчи ўринларни эгаллаб турибди.