Пëтр Ян UFC`нинг энг яхши уч жангчиси қаторига кирди

Унда шанба оқшомида Мераб Двалишвили билан бўлиб ўтган трилогиянинг якуний жангида ўта енгил вазн тоифасидаги чемпионлик камарини муваффақиятли ҳимоя қилган Пëтр Ян, енгил дивизион чемпиони Жастин Гэтжини учинчи ўриндан суриб, Топ-3`таликка кириб олди.

UFC`нинг P4P (pound-for-pound) рўйхатида Ислам Махачев етакчилигини, Александр Волкановски эса иккинчи ўринни сақлаб қолди. Алекс UFC 333 турнирининг асосий жангида ярим енгил вазн тоифасидаги чемпионлик камарини Мовсар Евлоевни муддатидан аввал мағлуб этгани ҳолда муваффақиятли ҳимоя қилган эди. 

Ислам Махачевнинг навбатдаги рақиби 30 январь куни Торонтодаги UFC 336 турнирида бўлиб ўтадиган ярим ўрта вазн тоифасида вақтинчалик чемпионлик камари учун Карлос Пратес ва Майкл Моралес ўртасидаги жанг ғолиби бўлади.

Аввалроқ дунёнинг энг кучли лигасининг мета-рейтинги янгиланган эди, унга ўтган ҳафтада бўлиб ўтган жанглар сезиларли таъсир кўрсатган.