Янгиланган UFC рейтингида Богдан Гусков кўтарилди

Ярим оғир вазн тоифасида ўз жангларини ўтказиб келаётган ҳамюртимиз Богдан Гусков рейтингда бир поғонага кўтарилиб, Топ-10`таликни якунлаб турибди. UFC 333 турнирида россиялик Азамат Мурзакановни муддатидан аввал мағлуб этган америкалик Доминик Рейес уч поғонага юқорилаб, тўртинчи ўринга жойлашди. Мурзаканов эса аксинча, 9-ўриндан 14-поғонага тушиб кетди. 

Шунингдек. Туркия шарафини ҳимоя қилаётган асли чеченистонлик Абдул-Раҳмон Яҳёев икки поғонага кўтарилиб, 13-ўринни банд этиб турибди. У Абу-Дабидаги турнирда россиялик Никита Криловни таслим этганди. 

Янгиланган рейтингда Магомед Саидов (12), Роберт Уиттакер (11), Богдан Гусков (10) ва Алонзо Менифилд (9) аввалги ўринларига нисбатан бир поғонага юқорилаганини кўриш мумкин. Аксинча бир поғонага Пауло Коста (5), Халил Раунтри (6) ва Навахо Стирлинг (7) пастлаган.