28 окт 07:06
Янгиликлар

Бокс/ММА

Янгиланган UFC рейтингида Кавана кўтарилди. Темировчи?

Абу-Дабида ўтган рақамли UFC 333 турнири натижаларидан келиб чиқиб, ташкилот Мета-рейтингида ўзгаришлар кузатилди.

Афсуски, энг енгил вазн тоифасининг янгиланган рейтингида Рамазон Темиров пастлади. Англиялик Лоньер Каванага техник нокаут эвазига мағлуб бўлган ҳамюртимиз рейтингда 7-ўриндан 10-поғонага тушиб кетди.

Кавана эса аксинча, бир поғонага юқорилаб, 5-ўринга жойлашди. Қозоғистонли Асу Алмабаев ўз ўрнини Каванага бўшатиб, ўзи 6-ўринга тушди. Асу ноябрь ойида Қатар турнирида октагонга кўтарилади. Япониялик Кёжи Ҳоригучи, Амир Албази ва Брэндон Морено янгиланган рейтингда бир ўринга юқорилашди.