Бугун Синдаров Clutch Chess турниридаги иштирокини бошлайди

Мукофот жамғармаси 425 000 АҚШ долларини ташкил этувчи мусобақада тўрт нафар таниқли гроссмейстер иштирок этади:

Жавоҳир Синдоров

Ҳикару Накамура (АҚШ)

Фабиано Каруана (АҚШ)

Рамешбабу Прагнанандҳа (Ҳиндистон)

27-29 октябрь кунлари ўтказиладиган турнирда ҳар бир шахматчи 18 тадан рапид партия ўйнайди. Вақт назорати — 10 дақиқа ва ҳар бир юришга 5 сония қўшиб берилади.

Турнирнинг ўзига хос жиҳати — ғалаба учун бериладиган очколар ҳар куни ортиб боради:

1-кун — 1 очко

2-кун — 2 очко

3-кун — 3 очко

Демак, сўнгги кунги битта ғалаба биринчи кундаги учта ғалабага тенг бўлади. Бугунги партиялар бизнинг вақт билан соат 22:00да бошланади.