RIZIN чемпиони Ражабали Шайдуллаев Волкановски билан жанг қилиш ниятида

Шайдуллаев ижтимоий тармоқлардаги постида Волькановскининг Мовсар Евлоев устидан қозонган ғалабасини юқори баҳолаган.

"Табриклайман, Вольк. Бу ҳақиқий чемпионнинг чиқиши эди. Сен кейинги авлод жангчиларига илҳом берасан. Битта жанг спортчининг даражасини белгиламайди. Мовсар, янада кучли бўлиб қайтишингга умид қиламан. Вольк бугун жуда яхши кўринди. У билан жангда ўз кучимни синаб кўришни истардим", деб ёзган Шайдуллаев.

Волкановски 24 октябрь куни Абу-Дабида ўтказилган UFC 333 турнирининг асосий жангида Мовсар Евлоевни иккинчи раундда техник нокаут билан мағлуб этиб, ярим енгил вазн тоифасидаги чемпионлик камарини ҳимоя қилди.

Шайдуллаев эса сўнгги жангини сентябрь ойида Япониянинг Осака шаҳрида ўтказилган Super RIZIN 5 турнирида ЭйЖей Маккига қарши ўтказиб, ҳакамларнинг якдил қарори билан ғалаба қозониб, ярим енгил вазн тоифасида RIZIN ва PFL чемпионлик камарларини қўлга киритганди.