Ражабали Шайдуллаев MVP лигаси билан шартнома имзолади

Ушбу жангни у декабрь ойида япониялик Киома Акимотога қарши ўтказишга тайёр, бироқ қирғизистонлик мағлубиятсиз жангчи аллақачон MVP лигаси билан шартнома имзолаб улгурган.

Бу ҳақда таниқли спорт шарҳловчиси Ариэль Хельвани хабар берди.

"Ражабали Шайдуллаев энди Rizin ва PFL чемпиони! Rizin билан шартномага кўра, унда яна битта жанг қолган ва у катта эҳтимол билан Янги йил арафасида бўлиб ўтади. Хўш, унинг PFL/MVP билан келишуви қандай?

Менга маълум қилишларича, Шайдуллаев PFL/MVP билан икки йиллик шартнома имзолаган ва у январдан кучга киради. Келишув аллақачон расмийлаштирилган. Бу уларнинг таркиби учун ажойиб янгилик. Шак-шубҳасиз, Шайдуллаев — UFC'дан ташқаридаги энг кучли ярим енгил вазнли жангчи", — деб ёзди журналист ижтимоий тармоқдаги саҳифасида.

Осакада бўлиб ўтган Super Rizin 5 турнирининг марказий жанги тўлиқ уч раунд давом этди ва Шайдуллаевнинг ғалабаси билан якунланди. Шу тариқа у ўзига тегишли бўлган Rizin камарини ҳимоя қилди ҳамда PFL'нинг вакант чемпионлик камарини қўлга киритди.

Маълумот учун, келгуси йилнинг январидан бошлаб PFL лигаси ўз фаолиятини тўхтатади ва MVP MMA лигаси таркибига қўшиб юборилади.