Нурмагомедов 3,5 йил деганда илк бор PFL турнирида жанг қилади + ПОСТЕР

Доғистонлик аралаш яккакураш устаси навбатдаги жангини 14 ноябрь куни БААнинг Дубай шаҳрида бўлиб ўтадиган PFL турнирида австралиялик Дэвид Мартинесга қарши ўтказади. Бу ҳақда PFL матбуот хизмати хабар берди.

Абубакарнинг профессионал ММА рекордида 17 та ғалаба (шундан еттитаси нокаут билан), тўртта мағлубият ва битта дуранг бор. Нурмагомедов профессионал сифатида 2011 йилнинг октябрида дебют қилган. Абубакар ММА қоидалари бўйича охирги жангини 2023 йил 4 июнь куни UFC доирасида ўтказган эди. Ўша жангда Абубакар бразилиялик Элизеу Залески дос Сантосга ҳакамларнинг бўлинган қарори билан имкониятни бой берганди.

Дэвид Мартинеснинг аралаш яккакурашлар бўйича профессионал рекордида 17 та ғалаба ва олтита мағлубият бор. Мартинес охирги жангини 2026 йил 16 апрель куни PFL Belfast турнирида ўтказиб, грециялик жангчи Яннис Бахарни иккинчи раундда бўғиш усули билан мағлуб этганди.