Хамзат Чимаев: "Мен ҳақиқий чемпионман!"

"Бу жуда тез содир бўлади деб умид қиламан, лекин ҳозир ҳамма нарса менга боғлиқ эмас. UFC менга қўнғироқ қилиб, жангга тайёрманми деб сўраса, мен ҳар қандай рақиб билан жангга рози бўламан", – деди "Борз" MMA Junkie нашрига берган интервьюсида.

Май ойида россияликдан камарни баҳсли тарзда олиб қўйган Шон Стрикленд Нассурдин Имавов билан реванш ўтказиши кутилмоқда, бироқ америкаликнинг лига билан молиявий келишмовчиликлари туфайли чемпионлик жанги савол остида қолди.

"У доимо нимадандир шикоят қилади, шунинг учун мен фақат шаклда қолиб, жангга тайёрман. Кейин нима бўлишини билмайман. Балки UFC мендан ғолиб билан учрашишимни хоҳлар. Мен ғолиб билан жанг қилишим керак, чунки мен рейтингнинг биринчи рақамлисиман ва ўша жангда ютқазмаганман.

Одамлар мен ютқаздим дейишади, лекин ҳақиқий чемпион менман. Мен шунчаки ўз камаримни тезроқ қайтариб олмоқчиман ва агар яқин орада бундай имконият пайдо бўлса, дарҳол жангга киришаман", – дея қўшимча қилди Чимаев.

Келгуси ҳафта Хамзат Чимаев Абу-Дабидаги RAF турнирида иштирок этади. У асосий жангда америкалик Колби Ковингтоннинг RAF-кроссовер йўналишидаги крузервейт титулига даъвогарлик қилади.