07 ноя 19:19
Янгиликлар

Бокс/ММА

Йен Мачадо Гэрри октагонга қайтмоқда

Теглар : Йен Мачадо Гэрри Ярослав Амосов

Сўнгги жангида Ислам Махачевга ютқазган ирландиялик аралаш яккакураш устасининг навбатдаги жанги тафсилотлари маълум бўлди.

Йен Мачадо Гэрри 5 декабрь куни Саудия Арабистони Ар-Риёд шаҳрида ташкил этиладиган UFC турнири доирасида украиналик Ярослав Амосовга қарши октагонга кўтарилади. Ушбу жанг яримўрта вазн тоифасида ташкил этилади.

Жангнинг ўтказилиши ҳақида вазиятга яқин бўлган манбалар хабар берди. Жангнинг расман Лас-Вегасда бугун UFC Fight Night 293 турнирида эълон қилиниши кутилмоқда.

Ярослав Амосов кеча навбатдаги жанги учун шартнома имзолаганини маълум қилган, бироқ рақиби номини ошкор этмаган. Ўтган йилнинг декабрь ойида UFC'да дебют қилган собиқ Bellator чемпиони ташкилотда иккита жанг ўтказиб, америкалик Нил Магни ва испаниялик Йоэл Альваресни бўғиш орқали мағлуб этган.

Йен Мачадо Гэрри эса август ойида Ислам Махачевга чемпионлик жангида очколар ҳисобига кўра имкониятни бой бериб қўйганди. Айни пайтда ирландиялик ва украиналик ташкилотнинг яримўрта вазн дивизиони мета-рейтингида тегишлича иккинчи ва ўн учинчи ўринларни эгаллаб туришибди.