Шавкат Раҳмонов Майкл Моралес билан жанг қилишга тайёр

"Номад" аниқ исмларни тилга олмаган бўлса-да, ижтимоий тармоқларда қолдирган хабари у ушбу қарама-қаршиликка тайёр эканлигини яққол кўрсатиб турибди.

"19-0 vs 19-0. 2027", – деб ёзди Раҳмонов ўзининг машғулот видеоси остидаги изоҳда.

Ушбу изоҳларга зид равишда, Йен Мачадо Гэрри икки кун аввал Майкл Моралесга қарши жанги режалаштирилаётгани ва у UFC турнирларидан бирининг марказий жанги бўлиши кераклигини маълум қилган эди.

Агар Раҳмонов ва Моралес ўртасидаги жанг амалга ошса, ҳар икки мағлубият нималигини билмай келаётган ярим ўрта вазн вакиллари узоқ танаффусдан сўнг октагонга қайтишади. Қозоғистонлик жангчи 2024 йилнинг декабрь ойидан бери жанг ўтказмаган. Ўшанда у чемпионликка даъвогарлик жангида ҳакамларнинг якдил қарори билан Гэррини мағлуб этган ва шундан сўнг тиззасидаги жароҳат сабаб икки марта операция қилиниб, узоқ муддатга сафдан чиққан эди. Эквадорлик эса охирги марта ўтган йилнинг ноябрь ойида америкалик Шон Брэдини биринчи раунддаёқ техник нокаут билан мағлуб этганди.