UZ

Сўнгги янгиликлар

18:50"Мен кетишга тайёрман". Бруну Фернандеш танқидлар ва МЮдаги келажаги ҳақида гапирди 0 18:10Алекс Перейра: "Павлович ҳали бундай ўзига хос рақибга қарши жанг қилмаган" 0 17:29"Мен асосий даъвогарман. Махачев мендан қочди" - Карлос Пратес 0 16:52Диёра Келдиёрова Ута Абе билан солиштиришлари ҳақида: "Бу ҳудди Месси ва Роналдуни таққослагандек" 0 16:14Моуринью "Реал"нинг навбатдаги рекордини ўрнатди 0 15:30UFC’нинг япониялик жангчиси Алмабаев устидан қозонилган ғалабадан кейин узр сўради ва кейинги рақибини танлади 0 14:19Рамазон Темиров Хоригучини жангга чорлади 0 13:13Қозоғистон президенти ўзбекистонлик боксчига фуқаролик бериш тўғрисидаги фармонни имзолади 0 12:30ОЧЛ. “Ал-Ҳилол” Фарғонага тўрт футболчисисиз келди 0 11:21Мераб Двалишвили навбатдаги жангини қачон ўтказишга тайёр бўлишини айтди 0 10:30Иржи Прохазка нокаутли мағлубиятини изоҳлади 0 09:59Бугун Жаҳон чемпионатининг аралаш жамоавий беллашувлар ўтказилади. Ўзбекистонда жиддий рақиб! 0 09:28"Арсенал" мағлубиятдан қутилиб қолди 0 08:57Иржи Прохазка - Навахо Стирлинг жангига ММА оламининг муносабати 0 08:26Комплект медалларни қўлга киритган Ўзбекистон жаҳон чемпионатини нечанчи ўринда якунлади? 0

22 ноя 18:50
Янгиликлар

Футбол

"Мен кетишга тайёрман". Бруну Фернандеш танқидлар ва МЮдаги келажаги ҳақида гапирди

"Манчестер Юнайтед" сардори Бруну Фернандеш жамоанинг Англия Премьер-лигасидаги кўп йиллик чемпионлик танаффуси туфайли футболчиларга қаратилган танқидларга жавоб қайтарди.

Шунингдек, агар раҳбарият уни манкунианликларга бошқа ёрдам бера олмайди деб ҳисобласа, клубни тарк этишга тайёр эканини маълум қилди.

"Клуб сўнгги бор чемпионатда жуда, жуда узоқ вақт олдин ғолиб чиққан. Ўшанда ҳозирги футболчилардан бирортаси бу ерда эмасди ва табиийки, ҳамма: "Бу футболчилар чемпионатни ютишга қодир эмас", — дейди. Ҳамма муаммога айланиб қолади ва бу оддий ҳол. Ҳечқиси йўқ. Бу ерда ўзлари тўп тепган клубларда ҳамма совринларни қўлга киритган футболчилар билан бирга ўйнаш бахтига муяссар бўлдим. Хуан Мата футболда барча совринларни ютган. Давид де Хеа ушбу клуб билан кубоклар қўлга киритган. Поль (Погба) ҳамма жойда ғалаба қозонган. Неманья (Матич) ҳамма жойда ютган. Ҳатто Златан (Ибрагимович) ҳам. Улар ҳар ерда совринлар ютишган, бироқ клубни чўққига қайтариш ва Премьер-лигада ғолиб чиқишни уддалай олишмаган.

Бу ерда турли клубларда чемпионликни қўлга киритган кўплаб мураббийлар ишлаган, лекин улар ҳам Премьер-лига кубогини "Юнайтед"га қайтара олишмади. Шунинг учун футболчиларга бўлаётган босим ҳақидаги гап-сўзлар йилдан-йилга такрорланиб келмоқда, деб ҳисоблайман. Ҳар сафар клубда энг узоқ вақт қолаётган ўйинчилар бошқаларга қараганда кўпроқ эътибор марказида бўлишади, чунки бу ерда узоқ муддат тўп тепишнинг салбий томони шунда. Бизни бошқалардан кўра кўпроқ вақт давомида муаммо деб ҳисоблашади.

Мен клубга шундай дедим: агар улар мени "Юнайтед"ни ўзи муносиб бўлган жойга қайтаришга ёрдам бера оладиган одам эмасман, деб ҳис қилишса — мен кетишга тайёрман. Ахир мен ҳам совринлар ютишни истайман. Премьер-лигада ғолиб чиқишни хоҳлайман. Чемпионлар Лигасини ютишни истайман. Буни ҳеч қачон яширмаганман. Бу қўлимдан келадими? Билмайман. Лекин уринишда давом этаман", — дея Фернандешнинг сўзларидан иқтибос келтиради Sky Sports.

Эслатиб ўтамиз, "Манчестер Юнайтед" сўнгги бор 2012/2013 йилги мавсумда Англия чемпиони бўлган. АПЛнинг жорий мавсумида 10-турдан сўнг "қизил иблислар" саккиз очко жамғарган ҳолда турнир жадвалида 19-ўринни эгаллаб турибди.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг