22 ноя 08:26
Янгиликлар
Комплект медалларни қўлга киритган Ўзбекистон жаҳон чемпионатини нечанчи ўринда якунлади?
Дунёнинг 78 давлатидан 21 ёшгача бўлган 600 нафарга яқин дзюдочи иштирок этган дунё биринчилигида Ўзбекистон терма жамоаси 1 та олтин, 1 та кумуш, 1 та бронза медали билан умумжамоа ҳисобида 5-ўринни эгаллади. Муҳаммаджон Машарипов (-60) олтин, Саъдулла Равшанов (-81 кг) кумуш, Фазлиддин Рафиков (+100 кг) жаҳон чемпионатининг бронза медалини қўлга киритди.
Россия Федерацияси 4 та олтин, 2 та кумуш, 4 та бронза медали билан биринчи ўринни банд этди. Туркия терма жамоаси 2 та олтин, 1 та кумуш билан иккинчи ўриндан жой олган бўлса, кучли учликка французлар 2 та олтин, 1 та бронза медали билан якун ясашди. Дзюдо ватани Япония терма жамоаси 1 та олтин, 2 та кумуш, 5 та бронза медали билан 4-ўрин билан кифояланди.

Фикрлар