Мураббий: "Агар Гэрри бироз тажовузкорроқ бўлганида, Махачевни нокаут қиларди"

"Йен жангни жуда яхши ўтказди, унинг юзига қараб буни кўрдингиз, — дея Лиманинг сўзларини келтиради ММА Fighting. — Ўйлайманки, агар у бироз тажовузкорроқ ҳаракат қилганида, Махачевни нокаут қилиши мумкин эди. Аммо шу билан бирга, биз дунёнинг биринчи рақамли жангчисига қарши чиқаётганимизни тушуниб тургандик. Махачев — жуда кучли жангчи.

Жуда бақувват, жуда яхши жангчи, унинг натижалари барчасини ўзи айтиб турибди. Аммо Йен Гэрри бу жангда ғалабага жуда яқин эди. Шунинг учун мен реванш жангида у ғалаба қозонишига ишонаман. Махачев ҳақида ёмон гапирмоқчи эмасман, лекин ҳамма Йен қанчалик кучли эканини кўрди... Фикримча, Йен UFC`даги энг ақлли жангчилардан бири. У ҳар қандай услубга мослаша олади. У энг кучли зарбачи Карлос Пратес билан, кейин эса энг кучли курашчи Ислам Махачев билан жанг қилди ва иккаласига ҳам мослаша олди. Ишонаманки, келаси йили у чемпионлик камарини қўлга киритади".

Таъкидлаш жоизки, Ислам Махачевнинг ўзи ҳам Гэррининг чиқишига юқори баҳо берди. "Мен спортни тарк этганимдан кейин у чемпион бўлади деб ҳисоблайман", — деди Махачев ирландиялик жангчи ҳақида.