30 окт 08:31
Янгиликлар
Бокс/ММА
Стрикленд - Имавов реванш жангининг қачон ўтказилиши айтилди
Ўрта вазнда UFC чемпиони Шон Стрикленд ҳамда франциялик Нассурдин Имавов ўртасидаги реванш жанги ҳақида хабар берилди.
Манбанинг хабар беришича, ушбу чемпионлик жанги 2027 йилнинг февралида АҚШнинг Флорида штатида ўтказилиши мумкин.
Бу ҳақда MMA Junkie шарҳловчиси Майк Бон маълум қилди. Жанг бўйича келишув якуний босқичга яқинлашган ва шартнома аллақачон имзоланган ёки имзоланиш арафасида бўлиши мумкин.
"Кейинги рақиб Имавов бўлади. Эшитишимча, жанг шартномаси имзоланган ёки шунга жуда яқин. Тўқнашув февралда Флоридада бўлиши керак", — деди у.
Ҳозирча UFC жангнинг аниқ санаси, манзили ёки турнирини расман эълон қилмаган.
Стрикленд ва Имавов аввал ҳам октагонда тўқнаш келган. Уларнинг 2023 йил январидаги жангида америкалик спортчи ҳакамларнинг якдил қарори билан ғалаба қозонганди.
Ҳавола :
Манба : MMA Junkie
Фикрлар