29 окт 19:32
Янгиликлар

Теннис

Guangzhou Open. Кудерметова ва Тимофеева жуфтликда 1/4 финалга чиқди

Ўзбекистон вакилалари Полина Кудерметова ва Мария Тимофеева Хитойда ўтаётган WТА 250 тоифасидаги Guangzhou Open турнирининг жуфтлик баҳсларида чорак финалга йўл олди.

Нимчорак финалда улар Никол Фосса Уерго ва Елена Приданкина жуфтлигига қарши кортга чиқди. Учрашув 6:1, 3:6, 10:6 ҳисобида Кудерметова ва Тимофеева фойдасига якунланди.

Ҳамюртларимиз дастлабки сетда 6:1 ҳисобида устун келган бўлса, иккинчи сетни 3:6 ҳисобида бой берди. Ҳал қилувчи супер тай-брекда улар 10:6 ҳисобида ғалаба қозониб, чорак финал йўлланмасини қўлга киритди.

Кейинги босқичда Кудерметова ва Тимофеева Эри Хозуми ва Андрея Клепач жуфтлигига қарши баҳс олиб боради.