29 окт 15:19
Янгиликлар

Теннис

Guangzhou Open. Тимофеева рейтингда 405-поғонада бораётган 16 яшар қизчага ютқазди

Ўзбекистонлик теннисчи Мария Тимофеева Хитойда ўтаётган Guangzhou Open турнирининг 1/8 финалида ғалаба қозона туриб, аламли мағлубиятни қабул қилиб олди.

Вакиламиз илк даврада сербиялик Теодора Костовични 6/4, 6/1 ҳисобида мағлуб этганди. Афсуски, турнирда еттинчи рақам остида таснифланган Тимофеева нимчорак финал учрашувида WTA рейтингида 405-ўринни эгаллаб турган хитойлик 16 ёшли қизалоқ Сан Шинранга 3/6, 6/4, 6/7(3) ҳисобида имкониятни бой бериб қўйди.

Таққослаш учун, 22 ёшли Мария Тимофеева айни пайтда дунёнинг 72-ракеткаси бўлиб турибди. Икки соату 39 дақиқа давом этган баҳсда Мария 4 та, Шинран 2 та эйс зарбасини амалга оширди. Қўшхатолар Тимофеевада деярли икки баробар кўпроқ бўлди - 9 га 5. Бу теннисчиларнинг ўзаро ўтказган илк учрашуви эди.