Ningbo Open: Полина Кудерметова дунёнинг 38-ракеткасини мусобақадан чиқариб юборди. Кейинги рақиб — рейтинг пешқадами!

Мусобақага саралаш орқали йўлланма олган Кудерметова бугун асосий тўрнинг илк даврасида испаниялик Кристина Бушчага қарши кортга чиқди.

Қувонарлиси, 1 соат 18 дақиқа давом этган баҳсда Полина тажрибали рақибасини 7/6, 6/2 ҳисобида доғда қолдирди ва мусобақанинг нимчорак финал босқичига йўл олди.

Ҳозирда Кудерметова жаҳон рейтингида 102-ўрин, Бушча эса 38-ўринни эгаллаб турибди. Бу теннисчиларнинг ўзаро иккинчи учрашуви бўлди. Полинанинг ушбу ғалабасидан сўнг шахсий учрашувлар ҳисоби 2:0 га етди.

Кудерметованинг чорак финал йўлидаги рақибаси дунё рейтинги пешқадами, қозоғистонлик Елена Рибакина бўлади. Ўйин эртага, 21 октябрь куни Тошкент вақти билан 7:00 да бошланиши режалаштирилган.