29 окт 17:05
Янгиликлар

Бокс/ММА

"Менинг камаримни олиб қўйишди". Чимаев Стрикланд билан жангдаги мағлубиятини яна тан олмади

БАА шарафини ҳимоя қилувчи UFC`нинг собиқ ўрта вазн чемпиони Хамзат Чимаев америкалик Шон Стрикланд билан бўлиб ўтган жангда мағлубиятга учраганини яна бир бор рад этди.

Уларнинг жанги UFC 328 турнирида бўлиб ўтган ва Шоннинг ҳакамларнинг алоҳида қарори эвазига ғалаба қозониши билан якунланган эди.

"Мен жангда ғалаба қозондим, лекин улар менинг камаримни олиб қўйишди. Мен ҳакам эмасман, лекин ҳеч қачон орқага қочиб юрган одамнинг ғалаба қозонганини кўрмаганман. UFC тарихида биринчи марта камарини қочиб юрган одам қўлга киритганини кўряпмиз. Ҳозир фаолиятимнинг асосий мақсади нима? Биринчи навбатда, мен ўз камаримни қайтариб олмоқчиман. Менга бу энг муҳим. Кейин нима бўлишини кўрамиз", - дея Чимаевнинг сўзларидан иқтибос келтирган ESPN портали.

Россиялик 32 ёшли Хамзат Чимаев 2018 йилда аралаш жанг санъати бўйича профессионал жангчи сифатида дебют қилган. 2020 йилдан бери UFC`да иштирок этиб келмоқда. 2025 йилда у ўрта вазн чемпиони бўлди.