29 окт 22:45
Янгиликлар

Бокс/ММА

"Сизни қон кутмоқда". Адесанья UFC’даги навбатдаги жанги учун шартнома имзолаганини эълон қилди

Нигериялик собиқ UFC чемпиони Исраэль Адесанья лигадаги навбатдаги жанги учун шартнома имзолаганини маълум қилди.

Сўнгги маълумотларга кўра, унинг рақиби россиялик Шара Буллет номи билан танилган Шарабутдин Магомедов бўлиб, уларнинг жанги UFC Fight Night 295 турнири доирасида бўлиб ўтади.

"Кечагина шартнома имзоладик. Ниҳоят. Айтадиган гапим шуки, сизларни "қум" устида қон кутмоқда. Айтиш осон, чунки охирги тўртта жангда мағлуб бўлдим, лекин ҳаммаси жойида. Қон октагонда бўлади ва у меники бўлмайди", - дея Адесаньянинг сўзларини келтиради MMA Mania портали.

Нигериялик жангчининг MMA’даги профессионал даражадаги рекорди 24 та ғалаба, шундан 16 таси нокаут ва олтита мағлубиятдир.