28 окт 21:46
Янгиликлар

Бокс/ММА

Карлос Пратес: "Махачевнинг меросига чек қўяман"

Карлос Пратес ҳали яримўрта вазндаги UFC вақтинчалик чемпионлик камари учун Майкл Моралесга қарши жангни ютмаган бўлса-да, дивизионнинг амалдаги чемпиони Ислам Махачевни тахтдан ағдаришга қодир эканлигига шубҳа қилмаяпти.

Бу ҳақда бразилиялик, россияликнинг жанг қилишдан бош тортганини танқид қилишда давом этиб, чемпионнинг менежери Али Абдел-Азизга жавоб бераркан, ижтимоий тармоқда маълум қилди.

"Агар сен даъвогар бўлсанг, имконият бўлади. Ислам - чемпион ва эҳтимол, бу авлоднинг энг буюк жангчиси. Камроқ гапир, чунки у сени ноқулай аҳволга солиб қўяди. Сизлардан ҳеч ким унинг меросига ҳеч нарса қўшмайди. У спортга бўлган муҳаббати, ишига бўлган қизиқиши ва мухлислар учун жанг қилади", - деб ёзган Абдел-Азиз ижтимоий тармоқда бразилияликка мурожаат қилиб.

"Агар у спортга бўлган муҳаббати учун жанг қилса, январь ойида биринчи рақамли даъвогарга қарши чиқиши керак эди. Ва мен унинг меросига ҳеч нарса қўшмайман - мен унинг меросига чек қўяман, биродар. Ва бундан ташқари, унга нисбатан мен ажойиб кўринаман. Сўзларимни ёзиб олинг", - деб жавоб берган Пратес.

Бразилиялик ва эквадорлик ўртасидаги яримўрта вазндаги вақтинчалик чемпионлик камари учун жанг, Ислам Махачевнинг Торонтодаги UFC 336 турнирида иштирок этишдан бош тортганидан сўнг, расман турнирнинг иккинчи энг муҳим воқеаси сифатида эълон қилинди.