Жейк Пол декабрь ойида Дубайдаги турнирда рингга қайтади

29 ёшли америкаликнинг сўзларига кўра, унинг рингга қайтиш санаси аниқланган, аммо рақибининг исми ҳозирча номаълум қолмоқда.

"Рождество арафасида мен ягона нарсани хоҳлайман – бу Дубайда бокс қилиш! Мен одамларга улар хато қилишини исботлаш учун йиллар сарфладим, кўпчилик мен билан учрашишга ботинмайди деб ўйлаган рақиблар билан жангларда хавфга қўл урдим ва ўзимни синаб кўрдим. Бу воқеаларнинг ҳеч бири ўзимга ва мен эришишни истаган нарсаларга бўлган ишончимни сўндирмади.

Мен ҳар қачонгидан ҳам кўпроқ ғалабага чанқоқман ва пайшанба, 24 декабрь куни Дубайда рингга қайтаман, йўлимнинг янги бобини бошлаш учун. Дубай – бу катта фикрлайдиган, стереотипларни бузадиган ва чегараларни тан олмайдиган шаҳар. Айнан шундай жойда мен ўз қайтишимни амалга оширишни хоҳлайман.

Бизнинг рўйхатимизда кўплаб исмлар бор. Кўрамиз, улардан қайси бири шартномага имзо чекади. Дубай, Рождество муборак бўлсин! Санта Пол шаҳарга келмоқда ва кимдир нокаутга учрайди", – деб ёзди Пол ижтимоий тармоқларда жойлаштирилган расмий матбуот баёнотида.

Жейк Пол охирги марта ўтган йилнинг декабрь ойида рингга чиққан эди, ўшанда у оғир вазн бўйича собиқ жаҳон чемпиони Энтони Жошуага олтинчи раундда нокаут билан ютқазган эди, Жошуанинг сўнгги зарбаси унинг икки жойидан жағини синдирганди.