31 окт 13:11
Янгиликлар

Бокс/ММА

Александр Волков: "Жон Жонс энг буюк, лекин мен уни мағлуб эта оламан"

Россиялик оғир вазн UFC жангчиси Александр Волков Жон Жонсни аралаш жанг санъатининг тарихдаги энг буюк жангчиси деб ҳисоблайди, аммо афсонавий америкаликни мағлуб эта олишига ишонади.

"Жон Жонс энг буюк. Мен ҳеч қачон у билан жанг қилмаганман, лекин унинг амалга ошишини жуда ҳам истардим. Мен уни мағлуб эта олишимга ишонаман, лекин агар мен шунчаки четдан кузатувчи мухлис бўлганимда, бу жангда Жон Жонсга устунлик берган бўлардим.

Агар оғир вазн ҳақида гапирадиган бўлсак, мен эҳтимол Кейн Веласкес ёки Фёдор Емельяненкони энг буюк деб атаган бўлардим. Аммо агар аралаш жанг санъатини умумий оладиган бўлсак, вазн тоифасидан қатъи назар, эҳтимол бу Жон Жонс, чунки вазни бўйича у Фёдорга жуда яқин", - деди россиялик жангчи "Yavuz Fighthunterz" нашрига берган интервюсида.

Ўтган ҳафта охирида Александр Волков Ризван Куниев устидан бир овоздан ҳакамлар қарори билан ғалаба қозониб, кетма-кет учинчи ғалабасини нишонлаганди. Жон Жонс эса 2024 йилнинг ноябрь ойидан бери октагонда кўринмади, ўшанда у оғир вазн бўйича UFC чемпионлик камарини ҳимоя қилган ва учинчи раундда Стипе Миочични техник нокаут билан мағлуб этган эди.