01 ноя 14:42
Янгиликлар

Теннис

Полина ва Мария Гуанчжоу турнири чемпионлари!

Хитойнинг Гуанчжоу шаҳри мезбонлик қилаётган WTA 250 тоифасига кирувчи нуфузли турнирнинг жуфтлик баҳслари ўзбекистонлик теннис маликаларининг чемпионлиги билан якунига етди.

Мария Тимофеева ва Полина Кудерметова ҳамкорлиги Guangzhou Open турнири жуфтлик баҳслари бош совринини қўлга киритди. Мамлакатимизнинг иккинчи ҳамда учинчи ракеткалари ҳал қилувчи финал учрашувида Хитой Тайпейи вакилалари И-Хсуан Чо ва И-Тсен Чо тандемини 7:5, 7:6(1) ҳисобида мағлубиятга учратди.

Бир соату 49 дақиқа давом этган финал учрашувида Мария ва Полина 5 та эйс зарбасини амалга ошириб, 2 тадан қўшхатога йўл қўйди. Теннисчиларимиз финалга қадар учта жуфтликни таслим этишди. Мағлубиятга учратилганлар орасида америкалик тажрибали Винус Уильямс ҳам бор.