02 ноя 07:01
Янгиликлар

"Алекс учинчи чемпионлик камарини қўлга кирита олади" - UFC собиқ чемпиони

UFC’нинг оғир вазндаги собиқ чемпиони Стипе Миочич бразилиялик Алекс Перейра ҳали ҳам UFC’нинг 120 кг гача бўлган вазн тоифасида чемпионлик камарини қўлга киритиши ва уч хил вазнда чемпион бўлган биринчи жангчига айланиши мумкинлигига ишонч билдирди.

"Менимча, Алекс учинчи чемпионлик камарини қўлга кирита олади. Мен биринчи чемпионлик камаримни қўлга киритганимда 38 ёшда эдим. Шунинг учун унинг ишлари яхши бўлишига ишонаман. У бақувват йигит.

UFC’нинг Оқ уйдаги турниридаги жанг унинг оғир вазндаги илк тажрибаси бўлди. Менимча, у ўз тайёргарлигини аллақачон намойиш этди. Энди Алекс нимани кутиш кераклигини билади.

Бу осон эмас, аммо у ҳар доим жангларга пухта тайёргарлик кўриб чиқади. Менимча, Алекс аллақачон шу даражага етган. Перейра икки хил вазн тоифасида иккита чемпионлик камарини қўлга киритди. Шунинг учун у мендан ҳам кўпроқ натижага эришди, дейиш мумкин. Ахир менда фақат битта чемпионлик камари бор", — дея Миочичнинг сўзларини келтиради Bloody Elbow портали.