Усик хайрлашув жангида ким билан тўқнаш келмоқчи экани айтилди

Унинг айтишича, Усик 2027 йилда биринчи оғир вазн тоифасига қайтиб, ушбу дивизионда WBA ва WBO камарлари соҳиби бўлган Дэвид Бенавидес билан жанг ўтказишни режалаштирмоқда. 

Бенавидес биринчи оғир вазнда (90,7 кг гача) чемпионлик камарларига эга.

"Александр 2027 йилда биринчи оғир вазнга қайтиб, яна мутлақ жаҳон чемпиони бўлишни режалаштирмоқда. Дастлаб бўш турган жаҳон чемпионлик камари учун жанг ўтказиш вариантини кўриб чиқяпмиз. Кейинги мақсадимиз — барча камарларни бирлаштириш ва биринчи оғир вазнда мутлақ чемпионга айланиш учун Дэвид Бенавидес билан тўқнаш келиш.

2027 йилни унинг фаолиятидаги сўнгги боб сифатида кўряпмиз. У илк бор барча чемпионлик камарларини қўлга киритган вазн тоифасида мутлақ чемпион мақомида фаолиятини якунлашни хоҳлайди.

Бу режани амалга ошириш учун пухта ёндашув зарур. Биринчи жанг — жаҳон чемпионлик камари учун, иккинчиси эса мутлақ чемпионлик унвони учун бўлади.

Усик ҳеч қачон табиатан оғир вазнли боксчи бўлмаган. Биринчи оғир вазн — унинг ҳақиқий уйи. У қийин синовларни яхши кўради. Шунинг учун юқори вазнга кўтарилди, супероғир вазнни ўз ҳукми остига олди ва энди тартибни қайта тиклаш учун ўз уйига қайтмоқда", — дея Лапиннинг сўзларини келтиради talkSPORT портали.