Усик кейинги жанги бўйича қарор қабул қилди ва рақибини айтди

У WBА ва WBО унвонларига эга бўлган америкалик Девид Бенавидес билан жанг қилиш учун биринчи оғир вазн тоифасига қайтиш ниятида эканлиги ҳақидаги маълумотни тасдиқлади.

"Бу катта жанг, чунки Бенавидес катта чемпион, ҳа, менинг исмим ҳам бироз тош босади. Мен оғир вазн дивизионини тозалаб ташладим ва энди ўз вазнимга қайтяпман. Ҳозир мен 96-97 килограммман", - деди украиналик боксчи спорт шарҳловчиси Майк Коппингерга берган интервьюсида.

Жорий йилнинг май ойида ярим оғир вазн тоифасида WBC чемпионлик камарига эга бўлган Девид Бенавидес биринчи оғир вазн тоифасига кўтарилиб, олтинчи раундда нокаут эвазига қозонган ғалабаси ортидан Хилберто Рамиресдан биринчи оғир вазн тоифасида WBА ва WBО чемпионлик камарларини тортиб олди. Жорий йилнинг декабрь ойида 29 ёшли америкалик 37 ёшли польшалик Михал Тсеслякка қарши жангда ушбу камарларини ҳимоя қилади.

Шу йилнинг май ойида 39 ёшли Аликсандр Усик Мисрдаги Гиза пирамидалари ёнида ўн биринчи раундда "Глори" собиқ чемпиони Рико Верховенни баҳсли тарзда тўхтатиб қолганди. Шундан сўнг у оғир вазн тоифасида ўзига тегишли бўлган IBF, WBА ва WBC чемпионлик камарларини вакант, яъни эгасиз қолдиришга қарор қилган эди.