Эркин курашчиларимиз Жаҳон чемпионатини медалсиз якунлашди

Энг яхши натижамиз Ғуломжон Абдуллаевга тегишли бўлди. Париж-2024 Олимпиадаси совриндори бронза медали йўлидаги ўтиш беллашувида мағлубиятга учради. Қолган эркин курашчиларимиз биринчи ёки иккинчи босқичларда рақибларига ютқазишди. Аёллар кураши жамоамизда ҳам аҳвол шундай. 

Осиё ўйинларида иккита беллашув ўтказиб, ҳар иккисида ютқаган Разамбек Жамалов жароҳат ва унинг кетидан келган жарроҳлик амалиётлардан кейин ҳали ўзига кела олмаяпти. Шу сабаб у жаҳон чемпионатида ҳам иштирок этмади. -74 кг вазндаги Олимпиада чемпионимизнинг ўрнини Жавоҳир Чўлибоев эгаллади. 

Жаҳон чемпионатида қатнашган эркин курашчиларимиз:

-57 кг: Асадбек Саидтўраев

-61 кг: Ғуломжон Абдуллаев

-65 кг: Машрабжон Узоқов

-70 кг: Шаҳзодбек Ярашев

-74 кг:Жавоҳир Чўлибоев

-79 кг: Мирзо Ҳайитов

-86 кг: Бобур Исломов

-97 кг: Боймурод Азимов

-125 кг: Сардорбек Холматов.  

Қўшниларимиз ушбу дунё биринчилигида совриндорлар сафидан жой олгани, Олимпиадага икки йилдан камроқ вақт қолганини инобатга олсак, бу ўйлашга арзигулик ҳолат. Мураббийлар штабини балки кўриб чиқиш керакдир. 

Юнон-рум кураши терма жамоамизда бу борада муаммо йўқ. Рустам Ассакалов ажойиб жамоа шакллантирмоқда. Классикларимиз Остонадаги жаҳон чемпионатида умумжамоа ҳисобида кучли учликдан жой олишди.