Бектемирга "хўп" деган Мунгиа Зонга қарши ўтказган жанги ҳақида гапирди

"Осон бўлмади, — деди Мунгиа DAZN билан суҳбатда. — Бир муддат вазият кескинлашди, лекин мен буни уддаладим ва бу энг муҳими... У мени йиқитди, кейин эса мен уни, сўнгра мен эҳтиётсизлик қилдим ва у яна зарба берди... Ўзимни ўнталикдан олти ёки етти баллга баҳолардим. Баъзи нарсалар бўлмади. Айримларини ўзим қилмадим. Лекин ғалаба қозонганимдан хурсандман. Тез орада машғулотларга қайтаман ва йўлимда давом этаман".

Эслатиб ўтамиз, Мунгиа ўз камарини ўзбекистонлик мажбурий даъвогар Бектемир Мелиқўзиевга қарши жангда ҳимоя қилиши керак эди. Аммо унинг жамоаси WBA рейтингида тўққизинчи ўринда турган Никита Зонга қарши ҳимоя ўтказишга рухсат олди, бу эса уларга енгилроқ рақибдек кўринган эди. 

Натижада, профессионал рингда ўн тўртинчи жангини ўтказаётган Зонь жангнинг биринчи ярмида чемпионга кўплаб муаммолар туғдирди, олтинчи раундда эса нокаут орқали ғалаба қозонишга бир қадам қолганда, жиддий зарбалардан ҳолсизланган Мунгиани "якунлай" олмади. Жангнинг иккинчи ярмида чарчаган Зонь анча кам зарбалар берди ва Мунгиа 116-112, 117-111, 117-111 ҳисобларида ғалаба қозониш учун етарлича раундларни ўзиники қилди.