02 ноя 19:10
Янгиликлар

Бокс/ММА

"Жангимиз тарихдаги энг буюк тўқнашувлардан бири бўлади". Дэвид Бенавидес Усик билан эҳтимолий жанг ҳақида гапирди

Биринчи оғир вазн тоифасида WBA ва WBO камарлари соҳиби Дэвид Бенавидес украиналик Александр Усикнинг боксдаги сўнгги рақиби сифатида уни танлаш эҳтимолига ҳурмат билан муносабат билдирди.

Шунингдек, у ўзаро жанглари бокс тарихидаги энг буюк тўқнашувлардан бирига айланишига ишонч билдирди.

"Усик мени боксдаги сўнгги рақиби сифатида кўриб чиқаётганининг ўзи мен учун катта шараф. Биласизми, у ажойиб фаолият олиб борди. Аммо мен Усикни мағлуб эта олишимга ишонаман.

Мен юқори вазнга кўтарилиб, бу синовдан ўтишга тайёрман. Бу ўзим учун ҳам улкан чақирув бўлади. Лекин, аввал айтганимдек, ўзимга ва маҳоратимга 100 фоиз ишонаман. Шунинг учун йўлимда ким учрамасин, жанг қилишга тайёрман.

Мен ва Александр Усик ўртасидаги жанг эса, эҳтимол, барча даврларнинг энг буюк бокс тўқнашувларидан бири сифатида тарихга киради", — деди Бенавидес DAZN телеканалига берган интервьюсида.