04 ноя 11:02
Янгиликлар

Теннис

Chennai Open. Кудерметова муваффақиятли старт олди

Теглар : Полина Кудерметова Chennai Open

Ҳиндистоннинг Ченнай шаҳрида WTA 250 тоифасига кирувчи, мукофот жамғармаси 283,347 АҚШ долларини ташкил этувчи турнир бўлиб ўтмоқда.

Мусобақада Полина Кудерметова ҳам ўз омадини синаб кўряпти. Ўзбекистоннинг учинчи ракеткаси 1/16 финалда словакиялик Виктория Морвайовага қарши кортга чиқди. Асосий тўрга омадли мағлуб (LL) сифатида йўл олган словак теннис маликаси Полинага жиддий қаршилик кўрсатди.

Таққослаш учун, Кудерметова айни пайтда дунёнинг 93-ракеткаси бўлиб турибди, Морвайова эса WTA рейтингида 323-поғонадан жой олган. Бир соату 38 дақиқа давом этган баҳсда Полина 6/3, 4/6, 6/1 ҳисобида зафар қучди. Бу теннисчиларнинг ўзаро ўтказган илк учрашуви бўлди. Ҳар икки теннисчи ҳам 4 тадан эйс зарбасини амалга оширган.

Бугун вакиламиз 1/8 финалда рейтингнинг 122-поғонасида бораётган испаниялик Оксана Селехметовага қарши кортга чиқади. Ушбу баҳс бизнинг вақт билан соат 14:30да бошланади.