Богдан Гусков: "Мақсад - нокаут!"

Аралаш яккакураш устамиз 2027 йилнинг 7 февраль куни Австралиянинг Сидней шаҳрида ўтказиладиган UFC Fight Night Sidney турнирининг co-main event, яъни аҳамияти жиҳатидан иккинчи муҳим жангида австралиялик ўрта вазн тоифасининг собиқ чемпиони Роберт Уиттакерга қарши октагонга кўтарилади. Гусков бўлажак жанг ҳақида фикр билдирар экан, мухлисларга ёқадиган томоша кўрсатишга ваъда берди.

"Албатта, мен томошабоп жанг намойиш этишга ҳаракат қиламан. Улар мени томошабоп жангларим учун яхши кўришади. Мен рақибимни нокаут қилишга интиламан", - деди Гусков Red Corner MMA нашрига берган интервьюсида.

"Роберт - собиқ чемпион! Ғалаба йўлида бир нечта калитлар бор, лекин қайси бири ҳақиқатан ҳам иш беришини октагонда аниқлаш керак", - дея қўшимча қилди Богдан.