03 ноя 19:02
Янгиликлар
Футбол
Жиддий тўқнашувда қатнашган "Тенерифе" футболчиси вафот этди
Испаниянинг "Тенерифе" жамоаси ҳужумчиси Хесус де Мигель Сегунданинг 12-тури доирасидаги "Андорра"га қарши учрашувдан (2:2) кейин юз берган юрак тўхташи оқибатида ҳаётдан кўз юмди.
Бу ҳақда клуб матбуот хизмати эълон қилди.
Футболчи 30 ёшда эди.
2 ноябрь куни баҳснинг 97-дақиқасида де Мигель "Андорра" дарвозабони Хесус Овоно билан тўқнашиб кетганди. Посбон ўз дарвозасидан олдинга чиқиб, ҳужумчига тиззаси билан зарба берган ва тўғридан-тўғри қизил карточка олганди.
Тўқнашувдан сўнг де Мигель ҳушини йўқотди. Футболчини майдондан замбилда олиб чиқиб кетишди. Тез ёрдам машинасида унинг юраги ва нафас олиши тўхтаб қолди. Шифокорлар реанимация муолажаларини муваффақиятли ўтказишга муваффақ бўлишди, шундан сўнг ҳужумчи шифохонага етказилди.
Бугун "Тенерифе" футболчининг неврологик ҳолати ёмонлашгани ва жонлантириш бўлимидалиги ҳақида хабар берди, бироқ уни асраб қолишнинг имкони бўлмади.
Ҳавола :
Манба : clubdeportivotenerife.es
Фикрлар