Tenerife Challenger. Фомин рейтингда ўзидан қуйидаги рақибга ютқазди

Мукофот жамғармаси 97,640 еврони ташкил этувчи мусобақада ҳамюртимиз Сергей Фомин ҳам ўз имкониятини синовдан ўтказди. Мамлакатимизнинг биринчи ракеткаси илк даврада польшалик 32 ёшли Филип Пеливони 43 дақиқада, ортиқча қийинчиликсиз мағлубиятга учратганди - 6/1, 6/1.

Афсуски, асосий тўрга йўлланма берган учрашувда у ATP рейтингида 527-поғонада бораётган испаниялик Серхио Калльехонга 6/7(3), 1/6 ҳисобида имкониятни бой бериб, турнирдаги иштирокини якунлади. Фомин айни пайтда дунёнинг 328-ракеткаси бўлиб турибди.