Субханкулов ва Круз IBF камари учун жанг қилади

Мусобақа доирасида россиялик Артур Субханкулов ва кубалик Энди Круз енгил вазн тоифасида вакант бўлиб турган IBF чемпионлик камари учун жанг қилади.

34 ёшли Субханкулов профессионал фаолиятида 12 та жанг ўтказиб, уларнинг барчасида ғалаба қозонган. 6 та жангни нокаут билан якунлаган. У айни пайтда IBF рейтингида 2-ўринда турибди.

31 ёшли Энди Круз эса Токио-2020 Олимпиадаси чемпиони ва ҳаваскорлар ўртасида 3 карра Жаҳон чемпиони ҳисобланади. Унинг профессионал рекордида 7 та ғалаба ва 1 та мағлубият бор, 4 та жангни нокаут билан якунлаган.