24 янв 12:06
Янгиликлар

Бокс/ММА

Усикка яна бир собиқ жаҳон чемпиони рақиб сифатида тавсия этилди

Супероғир вазн тоифасининг учта йўналишида жаҳон чемпиони Александр Усик навбатдаги жангини АҚШда ўтказишга яқин турибди.

Украиналик боксчининг рақиби 36 ёшли собиқ чемпион Энди Руис бўлиши мумкин. Келиб чиқиши мексикалик бўлган америкалик боксчи 2019 йилда британиялик Энтони Жошуани кутилмаганда мағлуб этиб, чемпионликни қўлга киритган эди.

Эслатиб ўтамиз, 2024 йил август ойида кичик Руис Жаррелл Миллер билан дуранг натижа қайд этган ва ўшандан бери рингга чиқмади. Аввалроқ Усикнинг навбатдаги рақиби WBC вақтинчалик чемпиони Агит Кабайель бўлиши мумкинлиги хабар қилинганди. Аммо бу жанг фақат Германияда ташкил этилиши мумкин.

Александр Усикнинг ўзи бу йил 40 ёшли америкалик Деонтей Уайлдер билан учрашишга умид қилмоқда.