Жонни Уокер укаси Вальтер билан жанг қилмаслигини айтди

Унинг айтишича, октагонда қариндошига зарар етказиш фикрини қабул қила олмайди. Жонни яккакурашни жуда шафқатсиз спорт тури деб атаб, бундай қарама-қаршиликка оилавий ришталар сабаб рози бўлмаслигини таъкидлади.

Жангчининг сўзларига кўра, у ва Вальтер аввал яқин бўлган, ҳатто Россияда бирга машғулот ўтказган. Бироқ вақт ўтиши билан муносабатларда масофа пайдо бўлган.

Жонни бунга Вальтернинг ижтимоий тармоқлардаги ҳазиллари ва айрим хатти-ҳаракатлари яқинларини ранжитиши сабаб бўлаётганини айтди. Шу билан бирга, у укаси билан алоқалари ёмон эмаслигини ва уни қандай бўлса, шундайлигича қабул қилишини қайд этди. Уокер келажакда Вальтер билан яна бирга машғулот ўтказиши мумкинлигини ҳам истисно қилмади. Унинг сўзларига кўра, Вальтер Лас-Вегасга келиб машғулот лагерига қўшилиши мумкин, бироқ алоҳида яшаши керак бўлади.