25 окт 10:28
Янгиликлар

Теннис

Tenerife Ladies Open бош соврини Энн Лида!

Испаниянинг Тенерифе шаҳрида теннис бўйича аёллар ўртасидаги Tenerife Ladies Open турнири бўлиб ўтди.

Ҳал қилувчи финал учрашувида дунёнинг 60-ракеткаси, америкалик Энн Ли рейтингда ўзидан уч поғонада қуйида бораётган колумбиялик рақибаси Мария Осориони мағлубиятга учратди - 6/1, 6/4.

Бу теннисчиларнинг ўзаро ўтказган илк учрашуви эди. Tenerife Ladies Open турниридаги муваффақиятли иштирок Лига 23,548 евро мукофот пули ҳамда 280 рейтинг очкоси келтирди. Бу унинг фаолиятидаги илк соврин бўлди. Осорио эса 13,224 евро ва 180 очко ишлаб олди.

Бугун эълон қилинадиган ҳафталик янги WTA рейтингида Ли дунёнинг 48-ракеткасига айланиб олади. Осорио эса 53-ўринга кўтарилади.