Tenerife Challenger. Фомин 43 дақиқада масалани ҳал қилди

Мукофот жамғармаси 97,640 еврони ташкил этувчи мусобақада ҳамюртимиз Сергей Фомин ҳам ўз имкониятини синовдан ўтказяпти. Мамлакатимизнинг биринчи ракеткаси илк даврада польшалик 32 ёшли Филип Пеливони ортиқча қийинчиликсиз мағлубиятга учратди - 6/1, 6/1.

Таққослаш учун, саралашнинг бешинчи ракеткаси сифатида сараланган Сергей ATP рейтингида 328, Филип эса 477-ўринни эгаллаб турибди. Бор йўғи 43 дақиқа давом этган баҳсда 1 та эса эйс зарбасини амалга ошириб, 2 та қўшхатога йўл қўйди. Бу теннисчиларнинг ўзаро ўтказган иккинчи учрашуви бўлди. Икки йил аввал Астана турнирида ҳам Фоминнинг қўли баланд келганди. Энди у эртага асосий тўрга йўлланма берувчи учрашувда испаниялик Серхио Калльехонга қарши кортга чиқади.