Карлос Пратес Ислам Махачев билан жанг учун сўнгги муддатни белгилади

"Нима учун Махачев фаолиятини якунлаш ҳақида гапиряпти? Балки у етарлича пул топган ва шунчаки ўз юртида оиласи билан вақт ўтказишни, яқинларига ғамхўрлик қилишни хоҳлар. Ҳар ким ҳам шундай қилиши керак. Бир пайт келиб, тўхтаб, оилага, соғлиққа ва бошқа нарсаларга эътибор қаратиш лозим.

Ўйлайманки, у тўғри йўл тутяпти, лекин бу ҳолатда камарни бўшатиб қўйиши керак. Ҳозир эмас, албатта. Биз вақтинчалик чемпионлик камари учун жанг қиламиз, лекин ундан кейин, Рамазондан сўнг, биз июнь ойида ёки шунга яқин вақтда бирлаштирувчи жанг ўтказишни режалаштиряпмиз. Ва агар у: "Мен ҳали тайёр эмасман", деса, унда у тўхтаб, фаолиятини якунлаши даркор. Июнь – сўнгги муддат!", – деди Пратес Squawka нашрига берган интервьюсида.

30 январь куни Торонтода бўлиб ўтадиган UFC 336 турнирида Карлос Пратес мағлубиятсиз эквадорлик Майкл Моралесга қарши жанг ўтказади. У вақтинчалик чемпионлик камарини қўлга киритиш ва Ислам Махачев билан жанг қилиш ҳуқуқини олишига ҳаракат қилади.